USA hninh bak ko; BLM ah a kun duh lo mi Minak pa nih Bible bung le cang a chim mi uar um tuk

Jonathan Isaac nih NBA lentecelhnak an tuah lio ah USA National Anthem hla an sak lio ah minak pawl/Black Lives matters caah an kun dih lio ah a kun duh lonak kong le Jesuh a zum ning kong mah Chinpage ah ka ttial cang

Atu cu Bible a tlaih mi le a chim mi nih Khrifa pawl lungthin ah rian a ttuan ning le an uarning kongah tlawmpal Isaac nih a chim mi ka vun ttial lai.

Mah hi christianheadline nih a vun ttial mi a si caah, a ka zum lo mi nan um sual ah cun ‘Jesus Is the Answer’ to America’s Problems, NBA’s Jonathan Isaac Says after Standing for Anthem’ tih google ah ttial in english zongin rel khawh asi

Jesuh thawngtha hi kan dihlak caah a si. Kan zah in ka tuah sual dih, Jesuh cu vawlei ah arah i, kan caah a thi. Mah hi kan thei i, thatein kan nih fiang tak tak ah cun Pathian nih mi vialte he remte in um a kan duh pi tinak a si.

Miphun dang zei rel lonak lawng hi buainak a si lo. Kan pawngah thil sining le thil zei paoh hi zoh ah cun buainak, harnak, lungretheinak, zawtnak, hremnak lawngte a si, mah vialte lehnak/Answer cu Jesuh thawngtha hi a si’ tiin a chim.

Jesuh thawngtha lawng lawng nih mi pakhat le pakhat karlakah remnak a ser khawh lai tiah a chim chap. Minung lungput le ruahnak cu zumtuk hla, Jesuh thawngtha lawng hi kan zeizawng vialte buainak a phising khawhtu a si’ tiin Isaac nih a chim

2. Siangpahrang 4 cu Twitter ah a ttial i. Amah fakpi in a dirkam tu le thlacam piak tu sin ah lunglawm bia a chim. 2. Siangpahrang 4. “Cun lut law, nangmah le na fapale kha innka i khar khumh u law hi um vialte kha chiti rawn hna u; cun pakhat a khah tikah a dang ah chia lengmang u,” ti mi cu a a langter

Zeitik caan poah mah hi philh hla. Kan Pathian hi lunglawm caan ah kan Pathian lawng a si lo, ngaichiat caan le harnak caan ah kan Pathian zong a si ttin a ttial. Cun Bible a ttial chi i, mah cu 2Corithian 4;9 hi a si, “Ral tampi kan ngei, sihmanhsehlaw hawi pakhat loin kan um bal lo; cei tein an kan thuat tawn, sihmanhsehlaw kan thi taktak bal lo.”

Ka rat kir tthan tina tunak in ka thawng deuh lai. Zei bantuk dirhmun a si zongah Jesuh min sunglawi cu ka tlaih peng” tiin a chim Credit- Christianheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor