USA le China boruak a chiat lo caan cu caantha ah hmangin Twaiin nih China ceilak in a phomh cang

Boruak a sang chin lengmang cang, China nih vawlei cung ramkip uk a tim nih fiangtein US nih a chim cang, ramdang hna cu China lakah ralrin tein um ding in bia a ca cang hna. Cun democracy ram a si mi caah cun China thil tuah ning hi cohlan khawh a si lo ning fiangtein US nih achim cang. Mah kong hi Chinpage ah fiangetein ka ttial cang

US le China boruak a chia tak tak cang. China nih May 22 ah khan ‘Defence Budget’ cu 6.6% in a karter.  USD 179 billion  a si cang. Defence Spokesman Wu Qian nih cun ‘defence expenditure’ hi China economic cu a kar thluamah caah Defence budget zong hi karter ve a si ti a chim i, cun ram vennak ding caah a her caah tiah a si ttin a chim

Cun China nih rian ttuan ding mi thar a ngei mi a tam thluamah caah a si tiin a chim chap. US nih Taiwan sin ah ti chung rocket US $180million man cawkter a tim hnuah Taiwan President Tsai Ing-wen nih cun Beijing nih a um mi People’s Republic of China tangah um a duh lo ning fakpi in a chim. China nih raldo ding mi a chap thluamah cang tinak si

Cun, Chinese State Councilor and Foreign Minister Wang Yi nih a chim ning ah cun US nih mah bantuk in coronavirus ruangah China a puh lengmang hi ‘New Cold War’ buainak chuakter a tim ruangah a si ti a chim. Source-The Global Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor