USA le Europe ah CCP Virus (Coronavirus) ruangah mah zat an thinak ruang bik; Khuaruahhar Pakhat cu si a si

 

Mah zawtnak nih USA a buaiter ning hi cu thil mak ngai a si, China ah mah bantuk a si lo mi USA le Europe ah mah zat an thi mi ruangah mifim pawl zong mak an ti i, an khuaruahhar ngai. Mah pulhrai (CCP Virus/Chinese Communist Party Virus) an ti mi hi China ram chungah minung chungah rian a ttuan ning le USA le Europe ram chungah minung chungah a rian ttuanning a khat lo ti an hmuh

USA ah a thimi dihlak hi 71152 leng an si cang i, zawtnak a ngei mi hi 1,206,323 leng an si cang. A dam tthanmi hi 189,791 leng an si ve cang. New York Governor Andrew Cuomo nih Economy a hrawh tuk sual lai ti a phan tuk ruangah America reopen a tuah mi cu a ngaihchi nak kong a chim

UK ah hin 30,000 leng an thi ve cang. Office for National Statistics nih a thimi dihlak a langter ning ah cun Scotland le Ireland tel in 32,375 leng ah a chia. Cun siizung lei ah kal hman lo in inn ah a thimi tampi an um chap tiah a langter. Italy 29,315 + Spain 25,613 + hrawng an thi cang. UK ministers pawl nih, Lockdown, testing, NHS staff PPE le care homes ah ralrin tein um ding in theiternak/nawl an rak pek lo caah mipi an thinhun ngai cang i, buainak ser tiang an duh cang

Scientist pawl nih an hmuh ning ah cun, China ram chungah mah zawtnak nih minung pumchungah rian a ttuan ning le USA le Europe ram chungah mipi pum chungah rian a ttuanning a khat lo ti an hmuh. Europe ram chung Spain le Italy, UK nih fakpi in an tuar cang i. Reaserchers US le UK mi nih damlo (patient) sample in an hmuh ning ah cun, mah zawtnak (virus) hi a thleng lengmang i, a chuahnak (original) China he a khat lo ti an hmuh.

Virus Version hi China/Europe version tiin “G614”  min thar an pek. Covid-19 ah hin adang dang a um tinak a si. British Scientist pawl nih cozah bawmhnak in research an tuahnak ah an hmuh mi cu mah zawtnak hi Strain  dang dang hmang in a chonh lengmang ti an hmuh. Mah Study hi  University of Sheffield, Los Alamos National Laboratory, New Mexico nih an ngei.  SARS-CoV-2 min thar cu D614G tiin min thar an pek.

Mutated version – G614, hi Europe le North America  lei ah hmuh a si cang i, G614 nih hin March hramthawk te ah US le Canada a phan, March thla dawng lei ah cun ramchung vialte a phan  cang tiin Scientist nih an chim. Dr Jonathan Stoye ,The Francis Crick Institute, nih cun SARS-CoV-2 nih hin genetic structure a thleng khawh lengmang caah vawlei cung ramkip ah rian a ttuan ning a khat lo ti an hmuh. Source. NBCNEWS, ALZAJEERA, THEWEEK, HEALTLINE

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA le Europe ah CCP Virus (Coronavirus) ruangah mah zat an thinak ruang bik; Khuaruahhar Pakhat cu si a si"

Leave a comment

Your email address will not be published.