USA mipi caah thawngtha tuk mi, natein ramdang mi, USA ah rian ttuanmi caah thawngchia

Coronavirus rungah USA mipi nih an tuar tuk cang caah, Hruaitu a si mi nih an duh zong duh lo zongah USA mipi caah thiltha lam an kawl a hau caah mah bantuk hi an tuah a her cang tinak si ko lai.

June 22 ah, US cozah nih mipi sin ah thawngthanhnak a tuah ning ah cun ramdang in USA ah rian ttuan ding in a ra mi poah cu an rian in ngawlter an si cang lai tiah a chim.

Mah bantuk in ramdang in USA ram chungah rian ttuan ding in a rah mi poah, an rian in ngawlter an sinak ruangah Cozah nih a chim ning ah cun USA mipi rian a ngei lo mi an tam tuk caah mah bantuk lam hi kawl a si tiah cozah nih a chim. USA mipi rian a ngei lo mi nih rian ngei hmasa seh, cun a dang  rian a um ah cun mah rian ttuan ramdang in a rah mi nih an tuan lai tinak si

Cun USA ram chungah rian ttuan ding in Visa a tuah lio mi pawl zong an Visa dawngter rih a si lai tiah cozah nih a chim.

USA cozah nih a chim ning ah cun mah bantuk in USA First policy an kalpi ruangah ramdang in USA ah rian ttuan in a kalpi, riang in dingter ding mi hna cu minung 500,000 in 600,000 karlak an si lai tiah the NBC News nih a langter. Credit-Thengephesizopost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA mipi caah thawngtha tuk mi, natein ramdang mi, USA ah rian ttuanmi caah thawngchia"

Leave a comment

Your email address will not be published.


*