USA nih China a tih bik mi cu a voihnihnak ding caah a tuah hoi cang lai. Abuai chin lengmang cang ko

Tu lio thawngpang kan thei mi le ttial mi cu tih nung mi lawngte si ko caah mah (Chinpage) a rel tawnmi vialte theithiamnak kan hal hna. Tu lio thawngpang hot/Top mi lawngte si caah tial lo in um khoh mi a si lo caah nan ka thei thiam lai tiah zaangfah kan nih hal hna.

Kan hnungzar ah mah Chinpage ah US Congress nih Taiwan sin ah $180 millions Torpedoes zuar si seh tiah an pawmnak ka vun ttial cang. China nih a ttih bik mi cu Taiwan nih hriamnam tha angei sual lai i, ka kut tangah ka chia sual kho lai lo ti hi si. Mah cu US Congress nih fiangtein an thei caah China dantatnak ding pakhat caah Taiwan sin ah zuar ding in US Congress nih an rak passed cang

A voihnihnak caah China nih a tih tuk mi cu  May 28 ah hin Taiwan Island Nation nih cun Harpoon anti ship missile cu China sin in i vennak ding caah United States sin ah cawk ding in rem an ti cang. Taiwan Deputy Defence Minister Chang Che-ping nih cun Parliament sin ah US Anti ship missile cawk an nih tim ning fiangtein a chim cang

Land-based Boeing nih an ser mi Harpoon anti ship missile hi coastal defence cruise missile caah an hmang lai. Taiwan Strait hi China le Self ruled Taiwan nih hin an nih cu ngai mi a si. Taiwan nih Beijing Province 1 maw Territory chungah um ding bantuk in an nih ruah lo. US le China new cold War hram a thawk cang i,

August hrawng ah cun China nih Aircraft carrier 2 Shadong le The Lioning cu Taiwan strait hrawng ah kalter a tim tiah thawngthei a sim, Taiwan nih  hin invasion (raltuk) a um sual ah cun amah i vennak ding caah mah bantuk hriamnam hi a her ti a thei caah USA sin in cawk a tim. Mah bantuk hriamnam hi USA nih a zuar sawh sawh mi a si lo. Natein China nih Taiwan hi a kuttangah chia a tim peng caah Taiwan i vennak ding caah a cawk ter lai. Source-Thehindu

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor