USA nih dothlatnak tuah ding in mithiam pawl China ram chungah kuat a tim, China nih a duh lo; President Trump nih ralrinnak a pek cawlh

China le USA cu an buai chin lengmang cang hi, USA nih mithiam pawl hna cu coronavirus kongah dothlatnak tuah ding in China ram ah kuat a tim natein China nih a duh lo i, an ram chungah USA mithiam pawl lut a siang lo. Coronavirus ruangah Trump cu a lung a dam kho bak ti lo, China nih thei ko bu in mah Coronavirus hi a thup i ramdang ah mah bantuk thil thalo tuk hi mi a tlungter ti ka theih i, tehte a um bak ah cun China cungah ka tuah ding mi hi China nih a celh lai lo tiin White House News Conference nak ah a chim. Mah bantuk thil hi kum 1917 hnuah kan tawn bal lo. Coronavirus in ruangah vawlei a buai tuk i, mah bantuk thil thalo tuk mi vawlei cungah a tlung caah zoh sawh sawh ka tim lo tiin China cungah a thinhunnak kong a chim

Chinmi ralrin tein um peng ko hna u sih, a thimi an tam thluamah lio a si i, President zong nih ruahchannak tampi he thawngthannak a tuah ve ang. USA cu nikhat chungah a thimi an tam tak tak ko ee!! US mipi nawl an ngaih lo ning hi cu a mak tak tak, mah bantuk in a thimi an tam ko bu in lengah an chuak i, a cheu cu mask zong hmang duh loin an um ko.

Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo. I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang.

USA dirhmun hi a chia chinchin lengmang caah ralrin lo ah cun mah zawtnak hi fawitein chonh khawh a si caah i ralrin hi sii tha bik a si ko atu dirhmun ah cun US-ah COVID-19 zawtnak ruangah mi 39,084 an thi cang. A damlo mi hi 740,928 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah zong nih ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Chingpage Editor