USA um Chinmi ralrin chin chin hna u si: Coronavirus lakah Chinmi kan him ti lo

Chin miphun le Covid 19 updates…… Myanmar ah First case an hmuhmi Tedim pa cu a dam ko nain tuletu an test i positive Peng a piah. Nihin ah a nu a chawnh, positive a si ve tiah an thanh.  USA  DC area ummi, Tedim lei ka unau thiam Kum 38, nupi le fa a ngeimi cu Covid 19 in a nunnak a liam i a hawile 2 zong a chawnh hna tiah kan theih.

USA DC area um thiam tlangval 30 hrawng pakhat zong Covid 19 positive a si ve i, a nih cu “mild case/ a si. A dam ngai cang tiah kan theih. Australia  lei in Hakha a tlawngmi Lai pa pakhat nih Hakha ah Pumhnak a tuahpi hna caah Cozah nih tazacuai an timh tiah kan theih. Hibantuk lio caan ah mipi pumh-khawmhnak tuahtu cu a mawh ngaingai.

USA in a rak tlungmi Chin tlangval pahnih cu Gankaw ah ni 14 chung inn ah erh ding in an fial hna nain, Ni 2 lawng an i erh i, Matupi lei ah lo diam an zam. Matupi nih an rak tlaih hna i, Gankaw ah an rak chuah tthan hna. Nawl zulh lo man, Thla 3 veve thong thlak dingin dan an tat hna tiah kan theih.

USA in a tlungmi thiam, Cozah phung buar in Tamu ah Nupi tthit puai a tuah caah Cozah nih Phaisa an liam ter pinah thong thlak dingin dan an tat tiah kan theih.  Chin state, Hakha sizung ah a thaw a chuah kholomi thaw peknak Ventilation hi pakhat te lawng an ngeih tiah Dr Cungpi nih a chim. Tulio Covid 19 hi Thawchuah a phittu Virus a si caah, Hakha ahhin mizaw karh sual hna sehlaw Ventilation loin an thi thluahmah ko lai caah, zawtnak hrik pakhat hmanh a phan nak hnga lo, iveng thiam ngai a herh tinak a si