USA um Chinmi ralrin hna hna u sih; USA cu HELL bantuk si ko cang

Minung kan nunnak hi Pathian kutah um, natein minung hi taksa a ngei mi kan si bantuk in vawlei taksa lei in ralrin tein kan um khawhnak ding caah le kan mah le mah i ven khawhnak ding caah a her ngai mi pakhat cu thil tampi thei tam hi a si.

Racism le Meithal ruangah USA tih nung ning – USA independent Ni 4 (Ni 4 July ah British in Independent a hmuh) ah tih nungtuk mi thil a cang mi pawl hna- USA Independent kha weekend a si caah mitampi cu chungkhar in picnic ah an kal i, mah ni ah hin motor accident ruangah a thi mi minung 405 an si. Mah bantuk in Accident ruang bik cu zu ruangah a si tiah palik nih an chim

Missouri palik nih an chim ning ah cun, July ni 4, USA Independence nih ah khan motor 294  nih accident tawn i, minung 107 cu siizungah kalpi an si. Minung 5 an thi. Zu rih ruangah minung 139 an tlaih hna i, Drugs ruangah an tlaih mi hi 126 an si tiah source nih a chim

July ni 4 ah khan meithal kah ruangah 160 an thi i, mi 500 leng nih meithal kah ruangah hma fakpi an tuar i, mah kah hin Hngakchia 6 an nih tel tiah fox news nih a langter.  Fox8 nih a chim ning ah cun mah bantuk in meithal in i kahnak ruang bik cu racism ruangah a si tiah a chim.

Fox66 le ABC news nih a chim ning ah cun July 4 ah khan Chigaco state ah palik 1200 nih an duty i, hmun 87 ah meithal i kahnak a um i, mah meithal i kahnak ruangah minung 69 hna cu siizung an phan i, minung 18 an thi. Athimi lakah hin nu hngakchia kum 1 mi le kum 8 mi an nih tel

July 4 ah khan New York city ah cun hmun 44 ah meithal kanak a chuak i, minung 64 nih siizung an phan i minung 11 an thi tiah palik report nih alangter (ttialdingmi atam ngai, kan pehzulh te lai).Source- Philidelphia News, Foxnews, Fox8, ABC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA um Chinmi ralrin hna hna u sih; USA cu HELL bantuk si ko cang"

Leave a comment

Your email address will not be published.


*