USA um Chinmi ralrin hna u sih; USA cu Total Lock-down tuah tthan ding si cang

USA thawngpang cu a zual tuk cang, mah bantuk tiang buainak hi cu minung lei cun celh ding a si ti lo, Pathian sin ah fakpi in thlacam long hi kan tuah ding mi le Pathian sin ah i ap lengmang long hi himnak le ivennak tha bik a si cang

USA siizungah rian ttuantu Doctors, Nurse le Medical Staff hna cu an ba tuk cang i, an ngamdamnak zong nih a celh ti bak lo. Mithiam 150 Medical Expert, sibawi le Nurese pawl nih USA cu a hramthawk in total Lockdown tuah tthan ding in Trump sin ah nawlnak an tuah cang

Ni fatin a zawtmi an kar tluamah i, a thimi zong an tam chin lengmang cang caah Sibawi, Nurse, Medical Staff pawl hna cu an lungrei thei tuk cang

USA ah Medical Staff 600 leng cu Covid-19 ruangah an thi cang, US ramchungah minung 150176 leng an thi cang. Tu hi Florida le Texas ah a ceilak in mah zawtnak hi a kar thluamah lio a si.

Florida ah siizung 50 leng ah ICU ah umnak hmunhma a um ti lo. Hngakchia kum 17 tang lei minung 31150  leng nih mah zawtnak hi an ngei ve cang. Hngakchia Covid=19 a ngei mi tambik nak country cu Miami le Martin Country hna an si.

CDC nih a langter ning ah cun August ni 15 hlan ah USA ah minung 175000 an thi lai tiah an zum ning an chim. November ah cun minung 200000 leng an thi cang lai tiah an chim. Credit- Raltiang News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor