Vawlei a hninh bak ko; Ram pakhat ah Coronavirus in sibawi 500 an thi; Aruang cu zaangfah an si bak ko

A faktuk hrinhrang ko, mipi caah mah bantuk in mah le nunnak tiang pek i rian an ttuan ngam mi hi zeitluk in dah upat awk an si. Coronavirus ruangah sibawi pawl an bat ning le an lungrethei ning tuak ah cun zaangfah an si tuk hrinhrang ko.

Russia ram ah Covid-19 ruangah sibawi 500 hrawng an thi cang tiah an ram chung Federal Service for Surveillance in Healthcare (ngandamnak lei ah rianttuan ning hlethlainak tuatupawl) nih June ni 18 ahan phuang

Russia hi Covid-19 lakah ralrintein an rak um ve lo i, a hramthawk in buainak an tawn thluamah i, Mah bantuk in harnak le buainak an tawn mi lakah biapi ngai mi pakhat cu mah zawtnak lakah i vennak ding caah a her tuk mi (PPE, etc) tha an ngei lo ruangah a si. Mah bantuk in sibawl pawl an thi tamnak ruang bik zong a si tiah an hruaitu pakhat Alla Samoylova nih a chim

Mah vialte buainak hi cozah nih fakpi in lam a kawl i, tu cu an buainak zong a hlan bantuk a si ti lo, sibawi pawl zong an hna a ngam deu cang tiah a chim

June 18 ah a biachim ah cun, “Tu ni tiang mah zawtnak hi a um peng i, karlei a kal cuamah lio a si. Minung Ting 5 leng a zawhmi an um lio a si tiin a chim

Mah ni ah hin Russia Emergency Task Force nih cun Ruassia ah hin Coronavirus mi 561091 an um cang i, a thimi 7660 an phan cang, a dam tthan mi 313963 an si cang ti an langter. Credit: Anadolu Agency, 18.6.2020. Eleven Broadcasting, 20.6.2020.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah leĀ  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Vawlei a hninh bak ko; Ram pakhat ah Coronavirus in sibawi 500 an thi; Aruang cu zaangfah an si bak ko"

Leave a comment

Your email address will not be published.


*