Vawlei cung minung nih thei kan duh bik mi cu thei a si cang lai. Trump nih zeidah a chim lai tiah zoh a si cang

China cu WHO nih dothlatnak a tuah cang lai; Trump nih zeidah a chim lai tiah zoh a si cang. WHO (World Health Organisation) nih Origin of COVID-19 le minung i pehtlaining le zeitindah minung nih kan nih chonh ning a si ti dothlatnak tuah ding in Teams hna cu China ram chungah kuat an si cang hna lai. Mah rian hi July 12 in thawk a si lai

June thla ah World Health Organization Assembly ah khan European Union le vawlei cung ramkip nih Covid origin hi dothlanak tuah si seh tiin WHO cu fakpi in an rak ti cang.

WHO Director-General Dr Tedros Adhanom Ghebreyesus nih cun January ah Origin of the virus cu, China he international experts a rang kho chungin dothlatnak tuah ding in hnatlaknak an rak tuah cang tiah a chim

Dr Soumya Swaminathan, Chief Scientist, WHO nih ANI a chim ning ah cun ‘origins of the virus dothlatnak tuah ding ah investigation thatein tuah a her ning a chim. WHO special team pawl kalnak ding kongah WHO le Chinese cozah hna cu rian kan ttuan ti tiin a chim

Kan her bik mi le thei kan duh bik mi cu December thla ah a thawk mi novel coronavirus hi zeitin a thawk ning a si ti le minung le minung i chawn khawh a si ning ti hi thei kan duh bik mi a si. Mah bantuk in a rangtuk mi, minung le minung i chonh ning le Papalak in minung ah chawn a si tak tak maw? Viral disease zong a si kho.

Wuhan December 31 ah an report mi kha a dik mi a si tak tak maw ti dothlatnak kan tuah lai” tiah a chim. Trump nih WHO cu a chuatak cang i, mah bantuk in WHO nih dothlatnak ka tuah lai tiah a chim mi kongah, President Trump nih zeibantuk bia le hla a chim lai ti cu vawlei cung ramkip nih an thei duh ngai mi le an zoh lio mi a si. Credit- ANI

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor