Vawlei cung ramkip zumtu nih an celh bak ti lo. Mitthli he Pathian an au ko cang

Mi tampi cu Biak Inn tha tha ah i pum huam lo in, mah le inn ah zarpi nih ah nuam ngai in kan um tawn, natein China khrifah hna cu Biak inn ah i pum siang lo in cozah nih fakpi in a hrem tawn hna. Biak inn ah i pum lo ah inn ah um an duh bal lo, a thli tein i pumnak caan an ngei tawn.

Mah bantuk in China ram ah zumtu hna cu Pathian an zum ning a si lio ah le China ram chungah khrifa pawl hna an tam thluamah lio ah China cozah nih Khrifa pawl hna cu fakpi in a hrem tawn hna i Khrifa pawl caah upadi tampi an serpiak hna. Mah upadi cu khrifa pawl caah thinak lam a si an ti tawn mi kha a si

Coronovirus ruangah kan buai tuk lio ah Khrifah Biak Inn 76 cu ceilak in hrawh piak an si than hoi. China, Henan Province ah Khrifa minung 200 le an Biak Inn 67 cu Communist officials pawl nih Cranes le Machinery hmangin hrawhpiak dih an si tiah China Aid nih a chim mi cu Christiansheadline.com nih a ttial.

Minung 200 leng cu fakpi in hma an hmuh tiah thei a si. Cun Biak Inn chungah thil hna cu lenglei ah an thawl piak dih hna. Minung 13 cu serious ngaiin an um. Tu Biak inn an hrawh mi hna hi cozah phunlam ningtein sak mi a si. Kum 2012 ah Three Self patriotic movement Biak inn sak khawhnak nawl a pek mi an si. Mah bantuk in Cozah theipinak in Biak inn an sak mi an hrawh piak mi hna vun thei ah cun lung a fak tak tak

Pastor le khrifa hruaitu hna cu an lung a faktuk caah ramdangah khrifa/zumtu hna sin ah thlacampiak din in an sawm hna. Credit- Christiansheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor