Vawlei hi amak tuk hrinhrang ee!! Apa nih a thitak mi George Gloyd fanu cu mirum bak in a chuak ko cang

George Floyd Fanu sin ah Barbra Streisand nih Disney Shares a pek. Palik kut ah a thimi pa, minak George Floyd chungkhar cu mi tampi sin in bawmhnak an hmuh thluamah lio a si. Zaangfah tu le dawttu an ngei chin lengmang.

Veteran American pop singer, Barbra Streisand nih cun a luancia thla ah a thi mi minak pa George Floyd fanu sin ah sunglawi tuk mi laksawng a pek, mah thil a pek mi cu Disney Shares a si. Disney company sin in tangka tampi a hmuh tawn lai tinak a si

Gianna nih hin Zarpi ni ah khan Barbra Streisand sin in thil sunglawi tuk mi laksawng a hmuh ti a langter. A chim ning ah cun. “A tu cu disney stockholder ka si cang” tiin a disney share certificate cu kut ah a keng i, Barbra Streisand sin ah lunglawmnak bia a chim pa.

Disney Shares a pek hnuah a album lar tuk mi pahnih “My Name Is Barbra” (1965) le “Color Me Barbra” (1966) hna cu laksawng caah a vun kuat chap. Stock hi zeizat dah a si ti cu fiangte langter asi lo, natein Google marketplace nih alangter ning ah cun  shares a pek mi US$116.81  asset a si lai tiah thei a si.

Barbra Streisand, Rapper, Kanye West le Texas Southern University (TSU)  lei nih Gianna nih hin bawmhnak tampi a hmuh i, amah caah sermi GoFundMe page ah $2 Million leng a lut cang. Source- CNN & Globalnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor