Vice President Henry Van Thio cu pastor pakhat nih Coronavirus a chonh lai tiah zum a si caah V-President chungkhar cu

Myanmar ram chungah coronavirus a kar thluamah cang i, nikhat ah minung hi test 100 hrawng an tuah caah zawtnak an hmuh mi hi a tlawm, natein tu ni thawk in nikhat ah minung 200 hrawng cu test tuah khawh ding in lam an kawl lio a si. Myanmar ram ah coronavirus zawtnak a ngei mi hna hi minung 62 an phan cang i, mi 4 an thi cang. MYanmar ram hi ramdang bantuk in ni khat ah minung 1000 leng test tuah seh law mah zawtnak angei mi tampi an um lai tiah zum a si

Myanmar ramkonh Cozah vice President Henry Van Thio cu khrifah mi thawngthachim pastor pakhat he hman ai thla ti tiah thawngthar a hun chuah ruangah Coronvairus an chek hna lai tiah theih a si.

President zung chimrelnak nawl a ngeitu U Zaw Htay nih, “atu Vice president te nupa le a dang minung 30 hna zong chek an tuah lai tiah” a chim. Hi kong hi Social Media ah a hung kai ngai cangmi a si i, phungchimtu pastor pakhat le vice president Henry Vanthio hmanthlak ni caan zong hun dawi le thawngfianhnak chim a si

Vice President Henry le pastor pakhat hi Feb 9 ah khan hman an rak i thla tiah theih a si. Cu pin ah ramchungah Coronavirus an hmuh hi march 23 khan ai thawk. Cun Pin ah Febuary 9 hnuah Vice President le pastor te phu hi an i tong ti lo tiah U zawh Htay nih a chimchap.

Asinain mipi thinphan nak nih social media a hun cul tikhah Vice President ruuninn luhchuahnak kong he pehtlai in Guideline tha tein zulh a si lai tiah UZaw Htay nih a chim. Ref- CBN