Vice President Mike Pence caah thawngchia; Pathian zumtu hna USA President le VP caah fakpi in thla cam a her lio a si

Mr. Donald Trump le Mr. Mike Pence hi USA President si lo in um hna seh law, China coronavirus ruangah China nih vawlei cung ramkip cu a ke hram ah a chia cang lai. Natein President pahnih nih fakpi in China cu an doh peng caah China le WHO karlakah biathli zong thei dih a si cang. President Trump nih a rak chim cia mi vialte kh a dik dih tinak a si ko.

President Trump nih China a sual tuk caah company 65 cu zeihman tuah khawh lo tin aphih piak hna i, China ah rian a tlawmtuk cang caah lungrethei in an um lio a si, Mah lawng cu si loin USA le China nih Trade deal January ah an rak tuah mi zong kha Trump nih tlamtlingter a tim ti lo. China caah cun a poi tuk mi thil si cang. China sual ning pakhat vun chap ka duh mi cu, December ah khan Mask tampi cu Australia le Germany le India in a cawk i, Cun mah a cawk mi vialte cu a cawknak in tam deuh in tu  cu ramdang ah a zuar tthan. Mah bantuk hi China nih ramdang cungah a thil tuah ning cu a si.

A tlangtar he pehtlaihin ka vun ttial cang lai. Pence’s Secretary, Katie Miller Coronavirus a positive tih phuan a si hnuah Vice president Mike Pence zong ralrin ruangah home quarantine in a um lai ti bia le hla a um. President Trump’s Coronavirus task force Dr. Fauci rian ttuanti hawi pathum nih mah zawtnak hi an ngei cang. Mah bantuk in Trump Administration rian ttuanti le hawi nih an ngei thluamah tikah cun Center for Disease Control and Prevention nawl zulh in Mike Pence zong home quarantine a tuah ve lai tiah zum a si. Natein Monday ah a hlan in a rak ttuan tawn bantuk in White House ah rian a ttuan tthan lai. Mah bantuk in nawl an chuah hnu tlawmpal ah President Trump nih The White House ah military leaders pawl a hmuhnak ah cun Pence cu a kal ve lo

US Sunday nih report official figure ah langter ning ah cun US minung  80,308 an thi cang.  Experts pawl nih cun mah nak in a thimi an tam deuh lai tiah an chim. Emerging Evidence ah cun mi tampi nih mah rai zawtnak hi ngei an ti caah test tuah an ttih, mi tampi cu an mah tein inn ah home quarantine in an um. A zualtu mi lawng siizung lei ah an kal. USA economy a hrawhtuk mi vennak caah State tampi ah reopening an tuah thluamah cang.

Mark Hayward, Sociology professor at the university of Texas, CDC advisers nih cun coronavirus ruangah thinak a tlung mi hi kan hmuh mi le zumnak leng lei a si cang. Atu a thimi nak in an tam deuh lai minung 160,000  leng an si cang lai tiah a chim. Source- Theguardian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

English ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulawm cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Vice President Mike Pence caah thawngchia; Pathian zumtu hna USA President le VP caah fakpi in thla cam a her lio a si"

Leave a comment

Your email address will not be published.


*