Russia nih a luangcia zarhte ni ah Ukraine ramri ah nuclear force exercise an ngei tiin US nih a chim. Mah ruangah White House nih a chim ning ahcun, Zeitik caan poah Russia nih Ukraine cu a tuk kho peng cang tiin a chim. A luancia zarhte ni ah US president national security pawl nih an ram president Joe Biden sin ah Russia thil tuah mi le a tim mi fiang tein an chim Ssecurity team pawl nih Joe Biden sin ah an chim ning ahcun Ukraine cu zeitik caan poah Russia nih a
tuk kho cang tiin an chim. Mah ruangah Biden nih Zarhpi Ni ah khan top adviser pawl he ramri ah zeitin
dah cawlhcangnak kan ngei lai ti mi kong ceih ti nak an ngei. G7 ram foreign minister pawl nih an chim than ning ahcun,
Russia nih Ukraine tuk a tim mi kong he pehtlaih in nihin tiang zeihman tehte kan ngei lo tiin an chim than ve. Russia zong nih Ukraine ramri ah ralkap a chia mi pawl a tlawmter cang ti zong a rak chim ve cang. Zeibantuk thawngpang hi a dik mi a si lai ti cu tu lio thawngpang zoh ah theithiam a har ngai Natien Ukraine ralkak pawl nih cun, a luancia zarhte ni ah khan, Russia lei a dirkam mi separatist nih Ukraine ralkap pahnih an thah tiin an chim. US vice president Kamla Haris nih a chim mi cu, Russia nih
Ukraine a tuk ahcun US le a hawikom ram nih Russia cu economy- ah sanction an tuah lai tiin a chim. Cred-RTK
Kawlram thawngpang dang…Chim ramkulh, Mindat peng chung ah umhmun khuar mi ralhrang nih an
rak hrawh mi Vuamtu siizung cu zatuak ah sawmkua(90%) tiang a rawk, tiah Midat – CDF in rianngeitu pakhat nih a chim. Mindat- CDF in rianngeitu Ko Yaw Mang nih, “Tutan i a ra mi ralhrang pawl nih Vuamtu siizung hi laak awk ṭha lo in an hrawh, sii-ai, ihkhun, cabuai, thutdan, seh thilri, bizu le thilri dangdang zong an hrawh dih.
Mei in an khangh mi thilri pawl cu vawlei ah an phum hna i an nehnang pawl hloh khawh an i zuam, an
hrawh mi thilri pawl hi a man in tuak ahcun sing thong man leng a si,” tiah a chim. Vuamtu siizung hi
operation tuah khawhnak siizung a si caah mizaw zualhma deuh an um tik ah an chiah tawnnak hmun a si i, khuami nih an i bochan ngai mi siizung a si. Midat peng le Magwe ramṭhen, Yaw hmunhma ah ummi Vuamtu khua pawng khua hna lei ah ralhrang thazaang 200 cu rallam an sial i February ni 14 in zarhkhat chung umhmun an rak khuar. Ralhrang nih rallam an sial lio ah CDF-Mindat nih an rak kah hna i ralhrang nih hriamngan an kah hna, khuachung inn hna zong mei in an rak khangh, tiah theih a si.
=Kani Peng, Kaitaung Khua Cu Ralhrang Le Pyosawthi I Bawm in An Khangh: Sagiang ramṭhen, Kani peng,
KaiTaung khua cu February 20 zaan Sml 6 tluk ah ralhrang le pyosawthi i bawm in khuachung mipi inn
pawl cu mei in an khangh, tiah khua mi sin in theih a si. Ralhrang nih khua chung hmunthum ah mei an duah. Aitaung khua cu ralhrang nih umhmun an khuar caah mei thah awk ah a har tuk, tiah an chim. “Ralhrang hna cu February ni 19 ah khan Aitaung khua ah rallam an sial i Kani peng Chiang khua mi, thluaktlamlo Ko Khiang Zaw Win kum 35 an rak thah,’”
tiah khua mi pakhat nih a chim. Atu lio cu ralhrang le pyosawthi minung thazaang 90 tluk Aitaung khua sianginn ah
umhmun an khuar i khuachung zeitluk dah a rawh ti tu kan thei kho rih lo,” tiah khua mi nih an chim.
=88′ hrinsor siangngakchia hruaitu Ko Mya Aye, Caṭial thiam Maung Thar Cho le U Htin Lyn Oo hna cu thaizing, February 22 ah biaceihzung nih a donghnak bik bia a ceih hna lai, tiah an lawyer(sihni) hna sin in kan theih. Hi hna pathum hi 2021 Febuary 1 bak khan SAC ralhrang nih an tlaih hna i Insein thonginn chung biaceihzung ah taza cuai an si. SAC nihcun 88 Siangngakchia hruaitu
Ko Mya Aye, Caṭialthiam Maung Thar Cho le U Htin Lyn Oo hna cu phungrelnak caang -505(c) in taza an cuai hna.
Lawyer (Sihni) pakhat nihcun, “Thaizing hi an 3 in a dihdonghnak tiang bia an ceih cang lai i, sualphawt an si ahcun anmah hremnak ding biakhiahnak zong an tuah cang lai, thaizing ah a fiang cang lai” tiah a chim. 88′ Siangngakchia hruaitu Ko Mya Aye cu Insein thonginn chung ah a dam lo, zawfaak ngai i an thlopbul cuahmah lio a si, SAC ralhrang nih sual an phawtnak caang -505( c) kongkau ah sualnak ka ngei hrim lo, tiah sual an phawtmi cu a cohlang duh lo. Cred-TCP