Min Aung Hlaing le a uico pawl ruangah mah tluk in Myanmar ram nih a hei tuar ding mi hi vun ruat ahcun celh ding a si lo. Kawlram chungah thil man fakpi tampi le oil ti pawl tampi a um. Mah pawl hna hmangin kawlram hi ramtha le ram nuam tuk mi ah serh khawh a si, Natein a biapi bik mi cu politic h ia si. Kawlram chungah politic a that lo ahcun zeitluk in kawlram chungah thil man fakpi le oil a tam zong ah
zeihman a si hlei lo World Bank nih a langter ning ahcun, Kum 2022 ah Myanmar ram Economic cu 1% long
a si lai tiah a chim. Mah bantuk thawngpang vun thei cu ngeichia tak tak si. Zahan ah Russia nih kawlram
cu hriamnam tampi hmang in a bawmh tiah thei a si. Mah bantuk thawngpang nih mi tampi lungthin a der ter ngai. A ruang cu kawlram hi a hnung ah a dirpi tu ram a um lengmang ah cun mipi nih fawitein an tei khawh lo sual lai tiah an zum. Mah bantuk in Russia nih kawlram a bawmh mi hi mi tampi nih an zum ning
an chim ning ahcun, US ruangah a si tiah zum a si. Russia nih US duh lo ningtein thil tuah lengmang
caah tiah zum a si Russia nih Ukraine tuk a tik i, US nih Ukraine ka bawmh lai a ti caah Russia le US hi cu
an duh ning le an ruahning a khat lai lo ti a fiang cang ko. Zahan ah US nih Ukraine ram cu Usd million 650 leng rak bawmh. Kawlram zong hi US nih ramdang a bawmh bantuk in atu Democrat duh ruangah heh tiah raltuknak ah a um mi pawl hna hi US nih bawmh hna seh law a rau hlan ah Min Aung Hlaing cozah
hi tei a si lai tiah zum a si. Ukraine ruangah US le Russia cu heh tiah an buai caah US nih kawlram hi a
bawmh ri lo tiah mi tampi nih an zum. Atu Ukraine ruangah US le Russia buainak hi a dih ahcun US zong nih kawlram chungah Democracy duh ruangah raltuk in a um mi pawl hna hi a bawmh ve te ko lai tiah zum a si. Zeidah a law lai ti cu zoh cuamah lio a si. Kawlram thawngpang dang.. Sagaing ramthen, Ayadaw peng,
Bawkone khua pawng i duum a tuah mi Ko San Lin (37), Mg Kala (10), kum (26) hrawng mino pakhat le
lam aa chawk mi U Phoe Taung (60) hna cu nihin January 26 zing ah PDF nan si tiin ralhraang nih an
kahthah hna tiah Ayadaw peng thawngfiang thanhnak in kan theih. Kah thah a tong mi hna pathum hi duum rian an tuan lio ah an kahthah hna hi a si i bicycle in lam aa chawk mi khuami pakhat zong an dirter i a lu ah an kah tiah kan theih. “Ralhraang nih an kahthah mi hna hi khuami duum tuah mi an si.
PDF nan si ti in, a ruang um lo in an kahthah hna. Lam aa chawk mi khuami pakhat zong an dirter i a lu ah an kahthah.
Dalaan pawl nih cun PDF nih ralhraang pawl an kalnak lam ah bomb an hmanh ca ah an kahthah mi hna a si tiah an chim. Khuami pathum hi cu kan hngalh cang hna nain pakhat hi kan hngal kho rih lo. Kan hlathlai lio a si tiah Ayadaw peng thawngfiang thanhnak lei nawlngeitu pakhat nih a chim.Ref. Khit thit Media