Zahan Debate zoh anuam tak tak, A zoh tu dihlak nih thil sining nan thei dih ko lai kha. Zahan Debate ah Presbyterian lei pawl an Khrifa bu Upa Dr. Pu. Biaksiama cungah an lung a tling lo si lai, an mah Presbyterian pawl Group ah Dr. Pu. Biaksiama cungah an lungtling lonak heh tiah an tial. Aruang cu
Presbyterian mithiam 60 pawl nih Bible Study an tuahmi cu Dr. Pu. Biaksiama nih a zum
lo caah a si. Presbyterian pawl cu an mah Whatsapp Group ah heh tiah an zai i,
Dr. Pu. Biaksiama cungah an lungtling lonak fakpi in an chim. Mah hi Presbyterian pawl umnak group in lakmi a si. Comment zong rel a nuam lo ngai. Comment ah heh tiah Dr. Pu. Biaksiama soiselnak le Dr. Pu. Biaksiama cungah an lungtlinglonak fakpi in an langter ve.
Kawlram thawngpang…..Aung San Su Kyi cu, a hlan bantukin inn chung ah hren ti lo in
thong thlak ding in le ramkhel kong ah teltum khawh ti lo dingin Min Aung Hlaing nih nawl a pek cang,
tiah theih a si. Aung San Su Kyi cu NayPyiTaw biaceih zung sang deuh ah a sualnak ceihpiak dingah an ṭhial i, a sualnak bia an khiah piak hnu zongah inn chung ah hren ti lo in thong thlak ding in Min Aung Hlaing nih, nawl a pek hna, tiah theih a si. “Aung San Su Kyi cu thong thlak ding, ramkhel kong zongah tel kho ti lo ding in Min Aung Hlaing nih nawl a pek hi a si.
Min Aung Hlaing nih Aung San Su Kyi cungah huatnak le thinhunnak a ngei.
Ahmai hmuh zong a duh lo. Bia an khiah piak hnu zong in a thih tiang
thong chung ah um beh ding dirhmun a si ko,” tiah SAC ralbawi he naihniam thawng pakhat nih a chim. NayPyiTaw thonginn ah chiah ding a tawlreltu hi Minister of Home Affairs Soe Htuat a si. Aung San Su Kyi taza cuainak kong ah Min Aung Hlaing le amah lawng an si. Min Aung Hlaing nih nawl a pek ning in a tuahmi a si, tiah theih a si. “Min Aung Hlaing nih Aung San Su Kyi a chawnh biak ning zong a hlan
ralbawi hna nih an chawnh biak bantuk si loin hmurka hrang in a chawnh biak cang.
Min Aung Hlaing a thih hlan tiang nawlngeihnak amah nih tlaih peng ding aa tim ko,”
tiah SAC ralbawi he naihniam thawng pakhat nih a langhter. SAC nih hihnu kum 20-30 tiang nawlngeih peng ding an i timhmi hmuh khawh a si. Chawleh chawhrawlnak, ramkhel le upadi lei zong tlaih dih an i tim. Aung San Su Kyi a thih hlan lo cu nawlngeih peng ding an i tim ko, tiah SAC he naihniam mi thawng sin in theih a si.
==Sagaing ramthen, Tamu peng, Panthar khua ah SAC ralkap le a kuttang PyoSawHti hna a bawm mi le Tamu PDFralkap phu hna karlak ah nizan June 22 Sml 4:00 hrawng ah
kahdohnak a chuak i SAC ralkap 8 an thi i 15 leng hliam an tuar tiah Tamu PDF sin in theih a si.
Kalay- Tamu mawtaw lamcung um SAC ralkap le PyoSawHti hna um hmun an khuarnak Paantha khua cu Tamu PDF Battalion 4 le Special Task Force hna i bawm in an kahdoh hna i SAC ralkap 8 an thi i tampi hliam an tuar. ” Panthar cu PyoSawHti tambik an umnak hmun a si. Kahdohnak cu zinglei Sml 11: 30 in zanlei 3 : 15 tiang a rau. Kanmah lei PDF lei 6 hliam an tuar , pakhat cu a hliamhma fak ” tiah Tamu PDF ralkap
phu chungtel pekhat nih yangon khit thit ah a chim. Panthar khua cu Tamu peng ah
PyoSawHti an tambik nak khua pakhat si i SAC ralkap hna zong umhmun an khuar tiah theih a si.
==Karen ramkulh, Bilin peng Pawkhi(ပေါ်ခီး) khua pawng June 22 ah Bilin peng NLD party Chairman Kyaw Myo Min telh in minung 3 cu SAC ralkap nih an tlaih hna i, khuami pakhat an kah thah hna, tiah NLD party he naihniam mi hna sin in theih a si. Kyaw Myo Min, NLD party chungtel Pan Myint, Ko Ko Maung le khuami pakhat hna cu cycle pahnih in LayKaTey khua lei an kal lioah SAC ralkap he an i tong i an tlaih hna hi a si.
“An tlaih hna lioah SAC ralkap nih an kah hna i khuami pakhat a thi,” NLD party he
naihniam mi pakhat nih a chim. “Rian herh ah cycle in an kal. SAC ralkap he an i ton caah an tlaih hna. Khuami pakhat cu an kah thah, a dang 4 cu an thawng kan thei kho rih lo,” tiah a chimchap. Kyaw Myo Min cu 2020 ram pumpi thimnak ah Bilin peng, ramkulh Hluttaw Palai No.2 in aa zuam i, teinak a rak hmu. Uknak lak hnu in SAC nih 505(a) in taza an cuai i, aa thupmi a si, tiah theih a si. Cre-TcP