Zophei CDF ah hruai tu u pa nih an mah nawl in kan kan kal pi chung poh cu kan tluan hrimhrim lai lo. Kan mah te in zei poh kan tuah khawh anti cang US um mi nih CDF sporting an kan tuah mi ah a za ko CNA/CNF he peh tlai zong a hau lo tiah an kan kal pi mi cu ka lung tling bak lo. A si na te in chim khawh nak ka nei lo i a poi tuk kan nih cu a kan fial mi lawng kan tuah kho. Hrang tin thai cu CNF in a chuak
cang i a dang u pa zong an chuak rih lai mah cun uk nak lei hi fak pi in kan kal pi lai tiah
Tial Bik Lian le James nih an kan ti kei cu ka lungtling bak lo. Credit – Zo Tuang
Kawlram thawngpang dang…SAC Ralkap Nih Htonebu Lay Khuami 10 An Thah Hna I, An Ruak An Khangh Hna!: Mon ramkulh, Thathon(သထုံ) peng Htonebu Lay(ထုံဘိုလေး) khua cu SAC ralkap nih June 25 ah an luhhnawh i, ngakchia, pumtlamting lo le nu pakhat tel in minung 10 cu faak ngai in an hrem hna hnu ah an thah hna.
An ruak zong innchung ah an khangh beh hna tiah tualchung mi le Thaton Guerillas Force
sin in theih a si. SAC ralkap hna nih cun zaanlei ah ralkap thazaang tampi he hmun 4 in
Htonebu Lay khua lei ah rallam an sial i khua mi an tlaih hna pinah inn zong an khangh, tiah theoh a si. “Htonebu Lay khua hi tam deuh cu Karen miphun umnak khua a si i, thah a tong mi hna zong hi Karen miphun an a si hna. Nunnak a liammi hna lakah nungak no pakhat le pumtlangtling lo pa pakhat zong an i tel. An nih hi a zaam ve kho lo mi chungkhar an si.
Nikhat (Sml 24) chung ah inn 152 SAC ralkap nih an khangh,” tiah tualchung mi pakhat nih a chim.
Atu tiang SAC ralkap hna cu Htonebu Lay khua ah an um rih ko i khuami cheukhat zong an
tlaih fawn hna, tiah theih a si. Thathon Guerillas Force zong nih SAC ralkap cu an kah ve ko hna nain hriamnam thazaang aa thlau tuk ruang le kuan fang an ngeih lo caah SAC ralkap hna khuachung ah lut in, innlo an khanghnak le mi an thahnawn hna nak hi a si, tiah PDF lei nih thawng an thanh. Cre-TCP
==PDF Tangti Phukomh Nih Myaing Peng Thayetkan Palek Sakhaan An Kah,
Ralhraang Lei Nih Raltuknak Helicopter In An Kah Hna. Magwe ramthen, Myaing peng,
Thayetkan khua palek sakhan cu PDF tangti phu komh nih nihin zinglei ah an kah hna i ralhraang lei an sungh deuh ca ah raltuknak helicopter in an rak bawmh hna tiah tualchung mi hna le tualchung thawmghram sin in kan theih. Nihin zing suimilaam 3:00 ah Magwe ramthen, Pakokku pengkomh, Pauk peng le Myaing peng
kar um Thayetkan palek sakhaan cu PDF tangti phu komh nih an kah hna. Thayetkan palek sakhaan ah
hin ralhraang 200 hrawng an um i tual chung PDF hna he kahdohnak a rak chuak bal cang.
Atu hi a voi hnihnak kahdohnak a si tiah Pakokku thawnghram nih a tarlangh. “Nihin zing suimilaam 3:30 hrawng ah Thayetkan palek sakhan an kah hi a si. Atu zong an i kah lio a si ko. Kap hnih kar kahdohnak hi suimilaam 1 chung
hrawng a si lai tiah ka ruah. Ralhraang lei nih seh meithal le hriamngan hna in an kah hna.
Zing suimilaam 10:00 hrawng ah raltuknak helicopter in minutes 30 tluk hrawng a rak kah hna” tiah tual chung mi pakhat nih Yangon Khit Thit Media ah a chim. Atu tiang ah kap hnih kar thi le hliam tuar thawngpang kan thei kho rih lo. PDF lei zong in thawngthanhnak an tuah rih lo tiah Khit Thit Media nih a langhter. Cre-THP